သဘာဝကျကျအသားဖြူဝင်းလှပအောင်

အသားဖြူချင် သူတွေအနေနဲ့ အသားဖြူဖွေး လှပစေဖို့ ဆိုပြီး အသားအရေ ထိန်းပစ္စည်းတွေ၊ မိတ်ကပ်တွေကို အစုံ အသုံးပြု ကြပါတယ်။  တချို့ အသားအရေ ထိန်းပစ္စည်းတွေနဲ့ မိတ်ကပ်တွေက အသားဖြူစေတယ် ဆိုပေမယ့် ဓာတုပစ္စည်း တွေကြောင့် ဆိုးကျိုးတွေကို ရရှိနိုင်ပါတယ်။ ဒါကြောင့် သဘာဝနည်းနဲ့ အသားဖြူစေမယ့် နည်းတွေကို ဖော်ပြပေး လိုက်ပါတယ်။

အရေပြားကို ပုံမှန် ကြေးချွတ်ပါ


အရေပြားကို ကြေးချွတ်တာက အရေပြားရဲ့ အပြင်ဘက်ဆုံး အလွှာက ဆဲလ်သေတွေကို ကွာကျစေပြီး အသားအရေကို တောက်ပ စေပါတယ်။ အရေပြား ဆဲလ်ဟောင်းတွေက ကီရာတင် (Keratin) တွေနဲ့ ပြည့်နေပါတယ်။
အသက်ကြီးလာတဲ့ အခါမှာ ဆဲလ်သေအလွှာက စုပုံနေပြီး အရေပြားမှာ ကြမ်းတမ်းတဲ့ အလွှာတစ်လွှာ ဖြစ်လာကာ အရေပြား ညစ်နွမ်းတယ်လို့ ထင်ရစေပါတယ်။ ဒါပေမဲ့ ဒီဆဲလ်တွေက အရေပြားရဲ့ ကာကွယ်ရေး လုပ်ငန်းမှာလည်း အရေးပါ နေတဲ့အတွက် အလွန်အမင်း ကြေးချွတ်တာမျိုးကိုလည်း မလုပ်သင့်ပါဘူး။ အိမ်လုပ် သဘာဝ ကြေးချွတ်ပစ္စည်းနဲ့ ကြေးချွတ်ပေးတာက အရေပြား ကျန်းမာတောက်ပစေတဲ့ နည်းလမ်းကောင်း တစ်ရပ် ဖြစ်ပါတယ်။ ဒါကြောင့် သဘာဝကျတဲ့ ကြေးချွတ်ပစ္စည်းတွေကို အောက်မှာ ဖော်ပြလိုက်ပါတယ်။
(၁) သကြားနဲ့  သြဂဲနစ် အဆီစစ်စစ်တို့ကို  ရောပြီး အရေပြားကို လိမ်းကာ ကြေးချွတ်ပေးတာ ဖြစ်ပါတယ်။ ဆား၊ ကော်ဖီစေ့မှုန့်နဲ့ သြဂဲနစ်အဆီတို့ကို ရောပြီး ကြေးချွတ်တဲ့ နည်းကိုလည်း သုံးနိုင်ပါတယ်။ ဒီနည်းကို သုံးဖို့ အဆင်မပြေသူတွေ အတွက် ဒုတိယနည်းကို သုံးပါ။

(၂) ဆော်ဒါမှုန့်ကို ရေနဲ့ရောပြီး မျက်လုံးတစ်ဝိုက်ကို ချန်ကာ မျက်နှာ တစ်ပြင်လုံးအနှံ့ လိမ်းပြီး ကြေးချွတ် ပေးနိုင်ပါတယ်။ ဒီလို ကြေးချွတ်ပေးတာကို တစ်ကိုယ်လုံး အနှံ့ ပြုလုပ်ပေးတဲ့ အခါ လက်မောင်း၊ တံတောင်ဆစ်၊ ခြေချင်းဝတ်၊ ခြေဖနောင့်နဲ့ ခြေထောက်နေရာရှိ အရေပြား ဆဲလ်သေတွေကိုပါ ကင်းဝေးစေပါတယ်။

အသားဖြူစေသော  ပေါင်းတင်ပစ္စည်း သုံးပါ

အသားဖြူစေတဲ့ ပေါင်းတင် ပစ္စည်းကို သုံးပြီး တစ်ပတ်မှာ တစ်ကြိမ်၊ နှစ်ကြိမ်ခန့် ပေါင်းတင်ပေးရင် မျက်နှာကို တောက်ပစေပါတယ်။

(၁) အပျော့စား ဆပ်ပြာသုံးကာ မျက်နှာသစ်ပါ

သင်္ဘောသီး (Papaya) နဲ့ အနက်ရောင်နွယ်ချို (Black Licorice) စတာတွေလို သဘာဝအသားဖြူစေတဲ့ ပါဝင်ပစ္စည်းတွေပါတဲ့ ဆပ်ပြာနဲ့ မျက်နှာသစ်ပါ။

(၂) အရေပြားကို စိုစွတ်နေအောင် ထားပါ

တချို့ အသားဖြူစေတဲ့ အလှကုန် ပစ္စည်းတွေက သဘာဝ ကျပေမယ့် အရေပြားကို ခြောက်သွေ့စေ နိုင်ပါတယ်။ ဒါကြောင့် အရေပြားကို ဗီတာမင်အီး အဆီနဲ့ ရှားစောင်းလက်ပပ် လိမ်းပြီး စိုပြည်နေအောင် ထားပါ။ အရေပြား ပြဿနာများအတွက် အမျိုးသမီး အများစုဟာ အသားအရေကို တောက်ပစေဖို့ထက် အရေပြား ပြဿနာတွေ ကင်းဝေးဖို့ကို ပိုလိုလားကြပါတယ်။ ဝက်ခြံကြောင့် အမာရွတ်ဖြစ်တာ၊ နေဒဏ်ကြောင့် အရေပြား ပျက်စီးထိခိုက်တာနဲ့ သက်ကြီး အစက်အပြောက် ဖြစ်တာတွေ ဖြစ်တတ်တာကြောင့် ဒီလို အရေပြား ပြဿနာတွေ ကင်းအောင် အောက်ပါနည်းတွေကို လိုက်နာပေးပါ။

(၁) သံပရာရည်၊ ရှောက်ရည်

သံပရာရည်၊ ရှောက်ရည်က သက်ကြီး အစက်အပြောက်တွေနဲ့ တင်းတိပ်တွေ ကင်းစေဖို့အတွက် ကျော်ကြားတဲ့ ရိုးရာပစ္စည်း ဖြစ်ပါတယ်။ သံပရာရည်၊ ရှောက်ရည်က အရေပြားကို ယာယီ အရောင်ကျွတ်စေပါတယ်။ စစ်ထရစ်အက်စစ် ပါဝင်လို့ပါ။ လတ်လတ်ဆတ်ဆတ် ညှစ်ထားတဲ့ သံပရာရည်ကို စိုစွတ်တဲ့ ပိတ်စထဲ ထည့်ပြီး အရေပြားပေါ်က အစက်အပြောက်တွေပေါ်မှာ လိမ်းပေးပါ။ မခြောက်သေးဘဲ နေရောင်ထဲ မသွားပါနဲ့။ သံပုရာရည်၊ ရှောက်ရည်ကို မျက်လုံးနဲ့ ပြတ်ရှရာတွေထဲ မဝင်ပါစေနဲ့။

(၂) နို့

နို့ထဲမှာ ပါတဲ့ လက်တစ်အက်စစ်က အရေပြားကို ကြေးချွတ် သန့်စင်ပေးနိုင်တဲ့ ဂုဏ်သတ္တိ ရှိပါတယ်။ နို့ထဲမှာပါတဲ့ အဆီက အရေပြားကို အေးမြစေပါတယ်။ အရေပြား ချောမွတ်အောင် မျက်နှာကို တစ်နေ့နှစ်ကြိမ်ခန့် နို့နဲ့ ဆေးကြောပြီးမှ ကြက်သီးနွေး ရေနဲ့ ဆေးချလိုက်ပါ။ အရေပြား တောက်ပပြီး အမည်းစက်တွေ ကင်းအောင် ရှားစောင်းလက်ပပ်၊ ရှလကာရည်၊ ကြက်ဆူဆီတို့ကိုလည်း လိမ်းပေးနိုင်ပါတယ်။

မီးဖိုချောင်သုံး ပစ္စည်းများဖြင့် အသားဖြူအောင် ပေါင်းတင်နည်း

မီးဖိုချောင်ထဲကရတဲ့ ပစ္စည်းတွေသုံးပြီး မျက်နှာကို ပေါင်းတင် ပေးနိုင်ပါတယ်။

နွားနို့၊ သံပရာရည်ဖြင့် ပေါင်းတင်နည်း

ဂျုံမှုန့် ထမင်းစားဇွန်း တစ်ဇွန်း၊ နွားနို့ ထမင်းစားဇွန်း နှစ်ဇွန်းနဲ့ သံပရာရည် အစက်နှစ်စက်တို့ကို ရောပြီး မျက်နှာကို လိမ်းပါ။ အချိန် ၁၅ မိနစ်ကြာမှ ရေနဲ့ ဆေးချလိုက်ပါ။ လေးပတ်ကြာတဲ့ အထိ နေ့စဉ် ပေါင်းတင်ပေးပြီး နောက်ပိုင်းမှာ တစ်ပတ်တစ်ကြိမ် ပေါင်းတင် ပေးနိုင်ပါတယ်။

ခရမ်းချဉ်သီး၊ သံပရာရည်ဖြင့် ပေါင်းတင်နည်း



ကြိတ်ခြေထားတဲ့ ခရမ်းချဉ်သီး တစ်လုံးကို သံပရာရည် နှစ်စက်- သုံးစက် ရောထည့်ပြီး မွှေကာ မျက်နှာပေါ် လိမ်းပါ။ မိနစ် ၂၀ ကြာမှ ရေနဲ့ ဆေးချလိုက်ပါ။ ဒီနည်းကို တစ်နေ့နှစ်ကြိမ် ပြုလုပ်ပြီး ၁၅-၂၀ ရက် ကြာတဲ့အခါ သိသာတဲ့ အကျိုးကျေးဇူးကို တွေ့ရပါလိမ့်မယ်။

ဂျုံမှုန့် နှင့် ခရမ်းချဉ်သီးဖြင့် ပေါင်းတင်နည်း

ဂျုံမှုန့်၊ ဒိန်ခဲနဲ့ ခရမ်းချဉ်သီး အရည်တို့ကို ရောပြီး မျက်နှာပေါ် လိမ်းပေးပါ။ မိနစ် ၂၀ လောက်ကြာမှ ရေအေးနဲ့ ဆေးချလိုက်ပါ။ အရေပြားပေါ်က နေလောင်ဒဏ်ရာတွေကို ကင်းစင်စေပြီး အသားအရေကို တောက်ပစေပါတယ်။

အသားအရေ ဖြူဝင်းလှပစေမည့် နေထိုင်မှုပုံစံ

စားတဲ့ အစားအသောက်နဲ့ အနေအထိုင်တွေကလည်း အသားအရေ လှပမှုအပေါ် မူတည်နေပါတယ်။

ရေသောက်ပါ

ရေက ခန္ဓာကိုယ်တွင်း စနစ်ထဲက အဆိပ်တွေကို ကင်းစေတာကြောင့် အသားအရေ ကြည်လင်စေပါတယ်။ ရေကို လုံလုံလောက်လောက် သောက်တာက  အသားအရေကို တောက်ပ ကျန်းမာစေပါတယ်။

သစ်သီးနှင့် ဟင်းသီးဟင်းရွက် စားပါ

နေ့စဉ် အစားအစာထဲမှာ သစ်သီးနဲ့ ဟင်းသီးဟင်းရွက် များများပါအောင် ထည့်စားပါ။ သစ်သီးနဲ့ ဟင်းသီးဟင်းရွက် တွေထဲမှာ ပါတဲ့ အင်တီ အောက်ဆီးဒင့်ဟာ ခန္ဓာကိုယ်ထဲက ဖရီးရယ်ဒီကယ်တွေကို ကင်းစင်စေပါတယ်။ ဒါကြောင့် အသားအရေကို နုပျို ကျန်းမာစေပါတယ်။

နေရောင်ခြည် အောက်မှာ သိပ်မနေပါနှင့်

နေရောင်ခြည်ထဲမှာ နေတာကို တတ်နိုင်သမျှ လျှော့သင့်ပါတယ်။ နေရောင်ခြည်နဲ့ လုံးဝ မထိတွေ့ရဘူး  လို့လည်း မဆိုလိုပါဘူး။ နေရောင်ခြည်ကနေ အရေးကြီးတဲ့ ဗီတာမင်ဖြစ်တဲ့ ဗီတာမင်ဒီကို ရရှိနိုင်လို့ပါ။

လေ့ကျင့်ခန်း လုပ်ပါ

လေ့ကျင့်ခန်း လုပ်ပြီးချိန်မှာ ထွက်လာတဲ့ ချွေးကနေ တစ်ဆင့် အဆိပ်တွေ ထွက်သွားပါတယ်။ ချွေးထွက်တာက သွေးလှည့်ပတ်မှုကို ကောင်းစေပြီး အရေပြားဆီက အောက်ဆီဂျင်နဲ့ အာဟာရဓာတ်တွေ ရောက်ရှိစေပါတယ်။ ဒါကြောင့် လေ့ကျင့်ခန်းက တစ်နေ့တာရဲ့ အလေ့အထ တစ်ရပ်လို သဘောထားပေးပါ။

အိပ်ရေးဝဝ အိပ်ပါ

တစ်ညကို အိပ်ချိန် အနည်းဆုံး ခုနစ်နာရီလောက် မရှိရင် သင့်အနေနဲ့ ပင်ပန်း နွမ်းနယ်နေတဲ့ ပုံပေါ်နေနိုင်ပြီး အသားအရေလည်း နွမ်းနယ် နေနိုင်ပါတယ်။ ဒါကြောင့် အိပ်ရေးဝဝ အိပ်စက် အနားယူပါ။     

 ဇွန်ခိုင်ဦး(ဆေးဝါးတက္ကသိုလ်)